പൂർണ്ണമായും മൊബൈൽ ഫോൺ ക്യാമറയിൽ ചിത്രീകരിച്ച മലയാളം സിനിമ പൂർണ്ണമായും മൊബൈൽ ഫോൺ ക്യാമറയിൽ ചിത്രീകരിച്ച ആദ്യ "മലയാളം" സിനിമ. അല്ല, ലോകത്തിലെ ആദ്യത്തെ മൊബൈൽ ഫോൺ സിനിമ. സതീഷ് കളത്തിൽ എന്ന പരീക്ഷണ സംവിധായകൻ ക്യാമറ മൊബൈൽ ഫോണുകളുടെ ആരംഭഘട്ടത്തിൽ, വീഡിയോ ഓപ്ഷൻ ഉള്ള മൊബൈൽ ഫോണുകളിൽ ചിത്രീകരിക്കുന്ന വീഡിയോകൾ മൊബൈൽ ഫോണുകളിൽ മാത്രം കാണാൻ കഴിയാവുന്നതും പുറത്ത് (ടീവികളിലും മറ്റും) ഡിസ്പ്ലേ ചെയ്ത് കാണാൻ കഴിയാവുന്നത്ര റസൂലുഷൻ ഇല്ലാത്തവയും ആയിരുന്നു. 2 മെഗാപിക്സൽ വീഡിയോ റസൂലുഷനോട് കൂടി ആദ്യം ഇറങ്ങിയ നോക്കിയ N70യിൽ ചിത്രീകരിച്ച വീഡിയോകൾക്ക് ടീവികളിലും മറ്റും ഡിസ്പ്ലേ ചെയ്ത് കാണാൻ തക്ക ഗുണനിലവാരം ഉണ്ട് എന്ന് കണ്ടെത്തിയതോടെയാണ് സതീഷ് മൊബൈൽ ഫോണിലൂടെ ഒരു ചലച്ചിത്രം സാദ്ധ്യമാക്കാനുള്ള പരിശ്രമങ്ങൾ ചെയ്തത്. 2008 ൽ വീണാവാദനം എന്ന 26 മിനിറ്റുള്ള ഡോക്യുമെന്ററി മൊബൈൽ ക്യാമറയിൽ ചിത്രീകരിച്ചു. എന്നാൽ, ഡോക്യൂമെന്ററിയുടെ ചിത്രീകരണത്തിന് ശേഷം അത് എഡിറ്റ് ചെയ്യാൻ സതീഷിന് ചെന്നൈക്ക് പോകേണ്ടതായിവന്നു. മെമ്മറി കാർഡുകൾ ഉപയോഗിച്ചുള്ള ചിത്രീകരണങ്ങൾ ആരംഭദശയിലായിരുന്ന കാലമായതിനാൽ സ്വന്തം സ്ഥലമായ തൃശ്ശൂരിലും